Námsmannakreppa/Kreppukúrinn

Þetta efnahagsástand á Íslandi hefur heilmikil áhrif á námsmenn......

Fyrir nokkrum árum töluðu námsmenn alltaf um sig sem fátæka námsmenn en undanfarinn ár hef ég ekki fundið fyrir því. Maður hefur lifað eins og venjulegur einstaklingur á Íslandi á sínum námslánum. Bíll, íbúð,bjór......

Núna fer kanski að líða að því að maður geti kallað sig fátækan námsmann. Ég veit það ekki enn en það kemur líklega í ljós á næstunni, svona þegar danskir bankar byrja að leifa millifærslur frá Íslandi.

Við vorum nú svo heppin að eiga inni orlof hérna í banka frá 2006, svo við höfum ekki þurft að stressa okkur á því að ná einhverju út úr bönkunum. Svo er nú hægt að fara langt á því sem til er í ísskápnum. það þarf því ekki að hafa áhygjur af okkur (MÖMMUR!!!!).

Jahh! og ef allt fer á versta veg þá er kanski hægt að líta á þetta sem ágætis ástæðu og fasta í fyrsta skiptið, hvernig væri það???? Fasta til að mótmæla Bretunum og hryðjuverkalögunum þeirra.
Kanski verður þetta að frægum megrunarkúr, kreppukúrinn og hann útleggst þannig!

Morgunmatur, epli (þau eru ódýr á haustin)

hádegismatur 2 epli

kvöldmatur e-h baunadrasl í staðinn fyrir kjöt,

Á milli mála. Kaffi til að fylla í tómarúmið.

Kv. frá námsmönnunum í Köben sem eru á kreppukúrnum!